Ռուսական լրատուական աղբիւրներ սկսան հրապարակել այն ուքրանացի կնոջ նկարները, որ կ’ամբաստանեն Տարիա Տուկինայի ինքնաշարժը պայթեցնելու առնչութեամբ: Ան ուքրանացի քաղաքացի մըն է Նաթալիա Շապան անունով:
Ռուսական դաշնային ապահովական կառոյցը կ’ամբաստանէ ուքրանական գաղտնի գործակալութիւնը պայթումը կատարելու մէջ: Ռուսական ապահովական աղբիւրներ յայտարարեցին, որ Ռուսիա պիտի պահանջէ այդ քաղաքացին արտայանձնել:
Այս կինը Ռուսիա մտած է 23 Յուլիսին իր 12 տարեկան աղջկան հետ ու բնակած է նոյն շէնքին մէջ, ուր կը բնակէր իր զոհը` Տարիա Տուկինան, մօտէն հետեւելու համար անոր շարժումներուն:
Ռուսիոյ Դաշնութեան նախագահ Վլատիմիր Փութին զոհի ընտանիքին իր ուղարկած ցաւակցական նամակին մէջ ոճիրը որակեց ՙցածոգի եւ հրէշային արարք մը, որ անժամանակօրէն վերջ դրաւ փայլուն ապագայ ունեցող ու իսկական ռուսական ոգի ունեցող աղջկայ մը կեանքին՚:
