Լիբանանի Գաղթականներու հարցի նախարարի պաշտօնակատար Իսամ Շարաֆըտտին յայտարարեց, որ սուրիացի պատասխանատուներու հետ բանակցելէ ետք, սուրիական կողմը համաձայնած է ամսական դրութեամբ 15 հազար գաղթական վերադարձնել իրենց նախկին բնակութեան վայրերը: Ան յայտարարեց, որ մէկուկէս միլիոն սուրիացի գաղթական Լիբանանի պիւտճէին արժած են մօտաւորապէս 33 միլիառ տոլար, 10 տարուան ընթացքին: Շարաֆըտտին աւելցուց, որ նշանակեալ վարչապետ Նեժիպ Միքաթի կը նախընտրէր որ իր այցելութիւնը Սուրիա չըլլար պաշտօնական:
