Անգլիոյ ֆութպոլի ախոյեանութեան 2-րդ հանգրուանի մրցումներու ծիրին մէջ, 13-րդ դիրքը գրաւող ՙՄանչեսթըր Եունայթըտ՚ իր դաշտէն դուրս մրցեցաւ 9-րդ դիրքը գրաւող ՙՊրենթֆըրտ՚ի դէմ եւ կրեց իր երկրորդ անընդմէջ պարտութիւնը ու գրաւեց դասաւորումի վերջին դիրքը: Յարձակող Տասիլվա` 10-րդ, դանիցի կիսապաշտպան Ենսըն` 18-րդ, պաշտպան Մի` 30-րդ եւ ֆրանսացի յարձակող Մպէօմօ` 35-րդ վայրկեաններուն նշանակեցին ՙՊրենթֆըրտ՚ի կոլերը, Ենսընի մէկ ու Թոնիի երկու փոխանցումներով: Քրիսթիանօ Ռոնալտօ մասնակցեցաւ ամբողջ մրցումին: Լոնտոնի տերպիին, ՙՉելսի՚ մրցեցաւ ՙԹոթընհէմ Հոցփըր՚ի դէմ եւ մրցումը աւարտեցաւ հաւասարութեամբ: Սենեկալցի պաշտպան Քուլիպալի 19-րդ վայրկեանին նշանակեց ՙՉելսի՚ի կոլը, Քոքուրելլայի փոխանցումով: 68-րդ վայրկեանին դանիացի կիսապաշտպան Հէօյպիըրկ հաշիւը դարձուց 1-1, Տէյվիզի փոխանցումով: 77-րդ վայրկեանին կիսապաշտպան Ճէյմզ նշանակեց ՙՉելսի՚ի երկրորդ կոլը, Սթըրլինկի փոխանցումով: Սակայն մրցումի 90+6-րդ վայրկեանին յարձակող Քէյն հաշիւը դարձուց 2-2, Փերիշիչի փոխանցումով: Երրորդ դիրքը գրաւող
ՙԱրսենալ՚ը շարունակեց յաղթել եւ իր դաշտին վրայ յաղթեց 11-րդ դիրքը գրաւող ՙԼեյսթըր Սիթի՚ին, պրազիլցի յարձակող Կապրիէլ Խեսուսի` 23-րդ, 35-րդ, զուիցերիացի կիսապաշտպան Խաքայի` 55-րդ եւ պրազիլցի յարձակող Կապրիէլ Մարթինելլի` 75-րդ վայրկեաններուն նշանակած կոլերով, Խաքայի մէկ եւ Կապրիէլ Խեսուսի երկու փոխանցումներով: Ֆրանսացի պաշտպան Սալիպա սխալմամբ` 53-րդ եւ կիսապաշտպան Մետիսըն` 74-րդ վայրկեաններուն նշանակեցին ՙԼեյսթըր Սիթի՚ի կոլերը« Իհէանաչոյի մէկ փոխանցումով: Ստորեւ տեսնել արձանագրուած արդիւնքները.
– Ասթըն Վիլլա – Էվըրթըն 2-1
– Արսենալ – Լեյսթըր Սիթի 4-2
– Մանչեսթըր Սիթի – ԱՖՍ Պորնմըթ 4-0
– Պրենթֆըրտ – Մանչեսթըր Եուն. 4-0
– Նոթինկհէմ Ֆորեսթ – Ուեսթ Հէմ Եուն. 1-0
– Չելսի – Թոթընհէմ Հոցփըր 2-2
