Շաբաթավերջին տեղի ունեցան Լիբանանի Գերբաժակի կիսաւարտական հանգրուանի մրցումները: Առաջին մրցումին, ՙԱնսար՚ մրցեցաւ ՙՇապապ Սահէլ՚ի դէմ, Պհամտունի քաղաքապետարանի մարզադաշտին վրայ ու յաղթանակ տարաւ: Մրցումի 5-րդ վայրկեանին Խալէտ Մըհսըն նշանակեց ՙԱնսար՚ի կոլը, Ալի Թընէյշի փոխանցումով: 78-րդ վայրկեանին Մալէք Թալ հաշիւը դարձուց 2-0, Հուսամ Ալլաուաթիի փոխանցումով: Իսկ մրցումի 86-րդ վայրկեանին Մալէք Թալ գլխու հարուածով հաշիւը դարձուց 3-0, Ալլաուաթիի երկրորդ փոխանցումով: Երկրորդ մրցումին, ախոյեան ՙԱհըտ՚ մրցեցաւ պայքարող ՙԹատամոն Սուր՚ի դէմ հարաւի ՙԱլ Անսար՚ մարզադաշտին վրայ եւ տարաւ դժուար յաղթանակ մը: Մրցումի 3-րդ վայրկեանին ՙԹատամոն Սուր՚ բացաւ մրցումին հաշիւը Ատնան Մըլհիմի միջոցով: Երկրորդ կիսախաղի 56-րդ վայրկեանին Մահմուտ Սըպլինի հաւասարեցուց հաշիւը: Իսկ մրցումի 85-րդ վայրկեանին Սամոտ Քատիրի նշանակեց ՙԱլ Ահըտ՚ի յաղթանակի կոլը: Աւարտական մրցումին, ՙԱլ Ահըտ՚ պիտի մրցի ՙԱլ Անսար՚ի դէմ: Ստորեւ տեսնել արձանագրուած արդիւնքները.
– Անսար – Շապապ Սահէլ 3-0
– Ահըտ – Թատամոն Սուր 2-1
