Sensor երաժշտութեան եւ ժամանակակից արուեստի միջազգային փառատօնը տեղի պիտի ունենայ 10-12 Սեպտեմբերին, Հայաստանի մէջ, Օրկովիի մէջ գտնուող Փարիս Հերունիի աստղադիտարանի տարածքին:
Միջոցառման չորս երաժշտական բեմերու վրայ պիտի հիւրընկալուին Աւստրիայէն, Հայաստանէն, Բելճիքայէն, Բրիտանիայէն, Գերմանիայէն, Յունաստանէն, Վրաստանէն, Իսրայէլէն, Իտալիայէն, Հոլանտայէն, Ռուսիայէն, Ռումանիայէն, ԱՄՆ-էն, Թայուանէն, Ֆրանսայէն, Շուէտէն, Ճափոնէն ժամանած աւելի քան 80 արուեստագէտներ:
Փառատօնը կը նախատեսէ արուեստի ծաւալուն ծրագիր, որուն կը մասնակցին աշխարհահռչակ մետիա արուեստագէտներ:
Աստղադիտարանի կեդրոնական կէտը 54 մեթրնոց ռատիօ-օփթիքական աստղադիտակն է` միջոցառման խորհրդանիշը եւ լազերային մետիայ հարթակը, իսկ փառատօնի երաժշտական բեմերը տեղակայուած են աստղադիտակի յարակից տարածքներուն մէջ:
Sensor-ի արուեստի ծրագրին աստղերը` աւստրիացի նկարիչ Փիթըր Քութինը, իտալացի նկարիչ Ֆրանչեսքօ Թոսինին եւ աւստրալացի նկարիչ Թօնի Պաքը փառատօնի հանդիսատեսին համար եզակի կէտեր կը պատրաստեն:
Sensor-ը լիարժէք եռօրեայ փառատօն է: Կը կազմակերպուի բանակում, ուր հիւրերը կրնան տեղադրել իրենց սեփական վրանը կամ վարձել արդէն տեղադրուածը:
Պիտի գործէ սնունդի կէտ` ընդարձակ ճաշացանկով: Միջոցառման ամբողջ ընթացքին ընկերային ակումբի մուտքը բաց պիտի ըլլայ: Փառատօնի կայացման վայր Երեւանէն եւ հակառակ ուղղութեամբ կրնաք հասնիլ Sensor-ի` 30 վայրկեան մէկ գործող փոխադրութեան երթուղիներով:
