Հայաստանի ՙՆերդրումներու աջակցման կեդրոն՚ հիմնադրամի (Enterprise Armenia) եւ Ճափոնի օտարերկրեայ ներդրումներու հիմնարկին (Japan Institute for Overseas Investment) միջեւ ստորագրուած է փոխըմբռնման յուշագիր: Յուշագրի առցանց ստորագրման արարողութեան մասնակցած է Ճափոնի մէջ ՀՀ արտակարգ եւ լիազօր դեսպան Արեգ Յովհաննիսեանը, ՙՆերդրումներու աջակցման կեդրոն՚ի տնօրէն Լեւոն Օհանեսեանը, JOI-ի նախագահ Թոշիյուքի Քոսուկին, ինչպէս նաեւ Հայաստանի մէջ Ճափոնի դեսպանութեան ներկայացուցիչներ:
Դեսպան Արեգ Յովհաննիսեան իր գոհունակութիւնը յայտնած է, որ ամիսներ առաջ Ճափոնի մէջ ՀՀ դեսպանութեան կողմէ նախաձեռնուած յուշագիրը արդէն պատրաստ է ստորագրման եւ յոյս յայտնած է, որ այն լրացուցիչ գործիք կը հանդիսանայ երկու երկիրներու միջեւ ներդրումներու ոլորտին մէջ առկայ համագործակցութեան խորացման համար` ամրապնդելով 2018 թուականէն Հայաստանի եւ Ճափոնի միջեւ գործող ներդրումներու ազատականացման, խրախուսման եւ պաշտպանութեան համաձայնագրի դրոյթները եւ նպաստելով նշուած ոլորտին մէջ առկայ ներուժի իրացման:
Կողմերը պատրաստակամութիւն յայտնած ենլ մօտ ապագային գործողութիւններու ծրագիր մշակել եւ առցանց հանդիպումներէն բացի կազմակերպել նաեւ փոխայցելութիւններ եւ ունենալ առկայ հանդիպումներ:
