ՉԻՆԱԿԱՆ ԸՆԿԵՐՈՒԹԻՒՆՆԵՐ ՔԱՇՈՒԵՑԱՆ ՆԻՒ ԵՈՐՔԷՆ

ՙՌոյթըրզ՚ լրատու գործակալութիւնը հաղորդեց, որ չորս չինական ընկերութիւներ, որոնք կը պատկանին պետութեան, քաշուած են Նիւ Եորքի բաժնետոմսերու շուկայէն: ՙChina Life Insurance՚, քարիւղի ՙSinopec՚, ալիւմինիումի ՙՇալքօ՚ եւ քարիւղի ՙՓերթրոչայնա՚ այդ քաշուող ընկերութիւններն են: Քաշուելու պատճառը զուտ տնտեսական է եւ կապ չունի Չինաստան-ԱՄՆ յարաբերութեան մակարդակին հետ: Հարկ է նշել, որ Միացեալ Նահանգներ սկսած է գործադրել հաշուապահական խիստ օրէնքներ եւ այն ընկերութիւնը որ չի կրնար գործադրել այդ պայմանները պէտք է ձգէ ամերիկեան շուկան: