Պէյրութի դատաւորներէն Ղասսան Խուրի ձերբակալութեան հրամանգիր արձակեց այն երիտասարդի հասցէին, որ նախօրէին դրամատուն մը մտած էր ու պատանդ պահած էր պաշտօնեաները մինչեւ իրեն փոխանցէին իր ի պահ դրած գումարը: Թէեւ բանակցութեան ատեն որոշուած էր ազատ արձակել զինք, սակայն դատաւորը չէր գործադրած այս խոստումը: Ձերբակալեալին եղբայրը եւ համակիրներ փակեցին Ուզահիի ճամբան` բողոքելու համար անոր ձերբակալութեան դէմ:
