Չորեքշաբթի երեկոյեան տեղի ունեցաւ Եւրոպայի Սիւփըր բաժակի մրցումը, Չեմփիընզ Լիկի ախոյեան` Սպանիոյ ՙՌէալ Մատրիտ՚ի եւ Իւրոփա Լիկի ախոյեան` Գերմանիոյ ՙԱյնթրախթ Ֆրանքֆորթ՚ի միջեւ, Ֆինլանտայի մայրաքաղաք Հելսինքիի մարզադաշտին վրայ: Մրցումի ընթացքին, ՙՌէալ Մատրիտ՚ ունէր տարածքային առաւելութիւն, որ հասաւ 58 առ հարիւր համեմատութեան: Ան օգտագործեց այս առաւելութիւնը եւ կատարեց 7 դիպուկ ու 3 անկիւնային հարուած, որոնցմէ երկուքը կոլի վերածեցին աւստրիացի պաշտպան Տաւիտ Ալապա 37-րդ վայրկեանին, Քազեմիրոյի փոխանցումով եւ ֆրանսացի յարձակող Քարիմ Պենզեմա 65-րդ վայրկեանին, Վինիսիուս Ժունիորի փոխանցումով: ՙԱյնթրախթ՚ իր կարգին կրցաւ կատարել 3 դիպուկ ու 1 անկիւնային հարուած: Մրցումը աւարտեցաւ ՙՌէալ Մատրիտ՚ի յաղթանակով: Ստորեւ տեսնել արձանագրուած արդիւնքը
– Ռէալ Մատրիտ (Սպ. ) – Այնթրախթ Ֆրանքֆորթ (Գեր.) 2-0
Եւրոպայի Սիւփըր բաժակի մրցաշարքը սկսած է 1973 թուականին: Մրցումը տեղի կ’ունենայ Չեմփիընզ Լիկի ախոյեանին եւ Իւրոփա Լիկի ախոյեանին միջեւ: Ժամանակին ան տեղի կ’ունենար Եւրոպայի ախոյեաններու բաժակը շահողին եւ ՈՒԵՖԱ-ի բաժակի ախոյեանին միջեւ: Տիտղոսը շահած են ՙՌէալ Մատրիտ՚, ՙՊարսելոնա՚« ՙԱՍ Միլան՚` 5-ական անգամ, ՙԼիվըրփուլ՚` 4 անգամ, ՙԱթլեթիքօ Մատրիտ՚` 3 անգամ եւ 19 այլ ակումբնե
ր աւելի քիչ անգամ:
