Եւրոպայի ֆութպոլի ակումբներու առաջնակարգ մրցաշարքի` Չեմփիընզ Լիկի զտումի 3-րդ հանգրուանի դարձի մրցումներուն արձանագրուած են հետեւեալ արդիւնքները.
– Ժալկիրիս (Լիթ.) – Պոտէօ/Կլիմթ (Նոր.) 1-1, երթ. 0-5
– Ափոլլոն Լիմասոլ (Կիպ.) – Մաքապի Հ. (Իսր.) 2-0, երթ.0 -4
– Վիքթորիա Փլզըն (Չեխ.) – Շերիֆ Թիրասփոլ (Մլտ.) 2-1, երթ. 2-1
– Փիւնիկ (Հայ.) – Կարմիր Աստղ Պելկրատ (Սրպ.) 0-2, երթ. 0-5
– Միտթյիլանտ (Դան.) – Պենֆիքա (Փոր.) 1-3, երթ. 1-4
– Ֆերենցվարոշ (Հնգ.) – Քարապաղ (Ատր.) 1-3, երթ. 1-1
– Տինամօ Զակրէպ (Խր.) – Լուտոկորէց (Պլկ.) 4-2, երթ. 2-1
– ՓՍՎ Այնտհովըն (Հոլ.) – Մոնաքօ (Ֆր.) 3-2, երթ. 1-1
– Շթուրմ Կրաց (Աւստ.) – Տինամօ Քիեւ (Ուքր.) 1-2, երթ. 0-1
– Ռէյնճըրզ (Սկ.) – Իւնիոն Սէն Կիլուազ (Պլճ.) 3-0, երթ. 0-2
Այս հանգրուանի մրցումներու ծիրին մէջ, Հայաստանի ախոյեան ՙՓիւնիկ՚ը իր դաշտին վրայ ալ պարտուեցաւ Սերպիոյ ախոյեան ՙԿարմիր Աստղ՚էն եւ հրաժեշտ տուաւ մրցաշարքին: Մրցումին երկու կոլերը նշանակեցին կապոնցի կիսապաշտպան Քանկա տուգանային հարուածով 44-րդ վայրկեանին եւ յարձակող Փավքով 60-րդ վայրկեանին, Կոպելյիչի փոխանցումով: Իսկ Հոլանտայի ՙՓՍՎ Այնտհովըն՚ը, որ երթի մրցումին հաւասարած էր Ֆրանսայի ՙՄոնաքօ՚ին հետ, դարձի մրցումին յաղթանակ տարաւ յետ երկարաձգումի ու անցաւ փլէյ-օֆի հանգրուան: 21-րդ վայրկեանին կիսապաշտպան Վերմէն նշանակեց ՙՓՍՎ՚ի կոլը, Մուենէի փոխանցումով: Սակայն չիլիցի պաշտպան Մրիփան` 58-րդ եւ յարձակող Պէն Ետէր` 70-րդ վայրկեաններուն հաշիւը դարձուցին 1-2, Խելսըն մարթինզի մէկ փոխանցումով: Մրցումի 89-րդ վայրկեանին փոխարինող մեքսիքացի կիսապաշտպան Կութիերրէզ հաշիւը դարձուց 2-2, Լիւք Տէ Եոնկի փոխանցումով: Մրցումի հիմնական ժամանակը աւարտեցաւ հաւասարութեամբ: Երկարաձգումի 109-րդ վայրկեանին յարձակող Լիւք Տէ Եոնկ նշանակեց ՙՓՍՎ՚ի երրորդ կոլը, Թեզէի փոխանցումով: Մրցումը աւարտեցաւ 3-2 հաշիւով ՙՓՍՎ՚ի յաղթանակով: Այս հանգրուանին պարտուող խումբերը պիտի մրցին Իւրոփա Լիկի փլէյ-օֆի մրցումներուն:
