Թուրքիոյ խորհրդարանի հայ պատգամաւոր Կարօ Փայլան խորհրդարանին մէջ ներկայացուցած է պահանջ մը` նշանաւոր երգիչ Արամ Տիգրանի աճիւնները Եւրոպայէն Տիարպեքիր փոխադրելու համար: Արամ Տիգրան մահացած է 13 տարի առաջ եւ այդ ժամանակ թրքական իշխանութիւնները արգիլեցին սիրուած երգիչին աճիւնները փոխադրել իր հայրենիքը` Տիարպեքիր: Ան յայտնած է իր զարմանքը այս մերժումի պատճառներուն մասին:
