Ռուսական ՙԹԱՍՍ՚ լրատու գործակալութիւնը հարցազրոյց կատարած է Ռուսիոյ մէջ Չինաստանի դեսպան Չանկ Հանհուէյի հետ: Ան յայտարարած է, որ Արեւմուքը Թայուանի հարցին մէջ կը կրկնէ Ուքրանիոյ սենարիօն:
Չինական իշխանութիւններ լրջօրէն կը մօտենան Թայուանի հարցին: Հրապարակուած պետական վաւերաթուղթի մը մէջ, չինական իշխանութիւններ կը նշեն, որ Թայուանի պարագային որեւէ սխալ քաղաքականութեան գինը պիտի վճարեն կղզիին բնակիչները: Ուրեմն, ըստ տեղեկագիրին, կղզիի ապագայի ամենալաւ լուծումը անոր միացումն է Չինաստանին, որովհետեւ բաժանումը պիտի դառնայ աղէտի պատճառ բնակչութեան համար:
