ԱՄՆ-ի վարչակազմը յայտարարեց երկրին նոր ռազմավարութիւնը Ափրիկէի մէջ Սահարա անապատի հարաւային կողմը գտնուող երկիրներուն ուղղուած: Ռազմավարութեան նպատակն է դէմ դնել ռուսական եւ չինական ազդեցութեան տարածումին, նաեւ դէմ դնել ահաբեկչութեան ոչ-ռազմական միջոցներով:
Այս ռազմավարութեան յայտարարութիւնը կատարուեցաւ արտաքին գործերու նախարար Անթոնի Պլինքընի Հարաւային Ափրիկէ, Դեմոկրատական Քոնկօ եւ Ռուանտա կատարելիք այցելութեան նախօրեակին: Ըստ ամերիկեան աղբիւրին, այս ռազմավարութեան նպատակն է շրջանը բաց պահել բոլոր երկիրներուն առջեւ եւ առիթ տալ ժողովուրդներուն առնելու իրենց քաղաքական որոշումները:
