ՙԱյնթրախթ ֆրանքֆորթ՚ – ՙՊայըրն Միւնիխ՚ մրցումով սկսան 2022-2023 տարեշրջանի Գերմանիոյ ֆութպոլի ախոյեանութեան մրցումները: Ստորեւ տեսնել արձանագրուած արդիւնքները.
– Այնթրախթ Ֆրանք. – Պայըրն Միւնիխ 1-6
– Պոր.Մէօնշընկլատպախ – Հոֆընհայմ 3-1
– Պորուսիա Տորթմունտ – Պայէր Լեվերքուզըն 1-0
– Իւնիոն Պերլին – Հերթա Պերլին 3-1
– Վոլֆսպուրկ – Վերտէր Պրեմըն 2-2
Առաջին մրցումին, ախոյեան ՙՊայըրն Միւնիխ՚ը իր դաշտէն դուրս մրցեցաւ ՙԱյնթրախթ Ֆրանքֆորթ՚ի դէմ եւ յաղթանակ տարաւ: Կիսապաշտպան Քիմիչ` 5-րդ, ֆրանսացի պաշտպան Փավար` 10-րդ, նախկին ՙԼիվըրփուլ՚ի սենեկալցի յարձակող Մանէ` 29-րդ, յարձակող Միւսիալա` 35-րդ, 83-րդ եւ յարձակող Կնապրի` 43-րդ վայրկեաններուն նշանակեցին խումբին կոլերը, Կնապրիի մէկ, Մուլըրի երկու եւ Սանէի մէկ փոխանցումներով: 64-րդ վայրկեանին, փոխարինող ֆրանսացի յարձակող Քոլօ Մուանի նշանակեց ՙԱյնթրախթ՚ի կոլը: ՙՊորուսիա Տորթմունտ՚ իր դաշտին վրայ միակ կոլով յաղթեց ՙպայէր Լեվեքուզըն՚ին: Կիսապաշտպան մարքօ Ռէօյս 9-րդ վայրկեանին նշանակեց միակ կոլը: Իսկ Սարգիս Ադամեանի մաս կազմած ՙՀոֆընհայմ՚ը իր դաշտէն դուրս զիջեցաւ ՙՊորուսիա Մէօնշընկլատպախ՚ին: Հայ մարզիկը բացակայեցաւ այս մրցումէն: Առաջին դասակարգի նորեկներն են` ՙՎերտէր Պրեմըն՚ը եւ ՙՇալքէ04՚ը:
