Վերջին շաբաթներուն Լիբանանի մէջ գաղթականներու հարցը սկսած է ստանալ վտանգաւոր բնոյթ: Լիբանանի տնտեսական ծանր վիճակը եւ անոր որպէս հետեւանք հացի եւ այլ անհրաժեշտ սննդամթերքի տագնապը երկրին մէջ ստեղծած են ծանր վիճակ: Լիբանանցին ինք չի գտներ պէտք եղած ուտելիքը եւ կայ բարձր սղաճ: Կառավարութիւնը արտաքին աշխարհէն պահանջեց լուծում գտնել սուրիացի գաղթականներու հարցին« սակայն իր արտաքին քաղաքականութեան օրակարգէն մեկնելով« արտերկիրը Լիբանանը համոզեց գաղթականները պահել իր մօտ: Փուռերու առջեւ վիճաբանութիւնները դուռ բացին անհաճոյ տեսարաններու: Կարգ մը կողմեր կ’ուզեն շահագործել այս թղթածրարը« սէպ խրելու համար երկու դրացի ժողովուրդներու միջեւ եւ զայն շահագործելու ըստ իրենց օրակարգին:
Միացեալ ազգերու կազմակերպութեան գաղթականներու յանձնակատարութիւնը յայտարարեց« որ Լիբանանի մէջ սկսած են նկատուիլ գաղթականներու դէմ առնուած որոշ քայլեր: Յանձնակատարութիւնը իր վերջին տեղեկագիրին մէջ նշեց« որ Լիբանանի տնտեսական ծանր վիճակը կ’աւելցնէ լարուած վիճակը Լիբանանի մէջ գաղթականներու հանդէպ: Յանձնակատարութիւնը կոչ ուղղեց Լիբանանի կառավարութեանª հեռու մնալ զատորոշում կատարող քայլերէ« ինչ որ կրնայ պատճառ դառնալ լարուած վիճակիª գաղթականներուն եւ երկրի բնակչութեան միջեւ:
Երէկ Արեւմտեան Պեքաայի բնակիչ լիբանանցի երիտասարդ մը զոհ դարձաւ բախումի մը սուրիացի գաղթականներու հետ Ժընահ շրջանին մէջ: Ան դաշունահարուեցաւ եւ մեռաւ հիւանդանոցին մէջ:
