Ռուսիոյ Դաշնութեան արտաքին գործերու նախարար Սերկէյ Լաւրով շարունակեց իր ափրիկեան երկիրներ այցելութիւններու շարքը« որ պիտի տեւէ հինգ օր: Ան հասաւ Եթովպիա եւ բանակցութիւններ պիտի վարէ այդ երկրի ղեկավարութեան հետ:
ՙՆովոսթի՚ եւ ՙՌաշա Թուտէյ՚ լրատուական միջոցներուն տուած հարցազրոյցի մը ընթացքին Լաւրով յայտնած էր« որ Ռուսիոյ Դաշնութիւնը բարեկամական կապեր ունի ափրիկեան շատ մը երկիրներու հետ Խորհրդային միութեան օրերէն ի վեր: Ներկայիս Ռուսիա կը փափաքի բարելաւել այդ յարաբերութիւնները եւ ափրիկեան երկիրներ դրական ձեւով կ’ընդունին այդ քայլը:
Միւս կողմէ« Արեւմուտքը հաշտ աչքով չի դիտեր չինական եւ ռուսական քայլերը դէպի ափրիկեան ցամաքամաս: Ափրիկէի մէջ ամերիկեան ուժերու հրամանատար զօրավար Սթիվըն Թաունզէնտ յայտնեց« որ Չինաստան եւ Ռուսիա ամէն ձեւով« նոյնիսկ զինուորական« կ’ուզեն իրենց ազդեցութիւնը տարածել Ափրիկէի վրայ: Ըստ զօրավարին« ՙՎակնըր՚ խումբը Քրեմլինի բազուկն է Ափրիկէի մէջ« որ նեցուկ կը կանգնի միապետական համակարգերու: Այդ ուժերէն մաս մը տեղափոխուեցաւ Ուքրանիա: Ըստ կարգ մը տնտեսական աղբիւրներու« Ռուսիա սկսած է քարիւղ վաճառել ափրիկեան երկիրներու« Եւրոպայի պատժամիջոցներուն ազդեցութիւնը նուազեցնելու համար:
