ՀԵԾԵԼԱՐՇԱՒ

Կիրակի օր աւարտեցաւ հեծելարշաւի մեծ շրջավազքերէն երկրորդը՝ Ֆրանսայի շրջավազքը 176 մարզիկներու մասնակցութեամբ: Այս տարուան 20-րդ մրցումը անհատական ժամանակի դէմ մրցում մըն էր եւ վերջին առիթն էր փոխելու դասաւորումը: Մրցումը սկսաւ Լաքափէլ-Մարիվալ շրջանէն եւ աւարտեցաւ Ռոքամատուրի մէջ« 40.7 քմ հեռաւորութեամբ: Առաջին դիրքը գրաւեց ՙՃամպօ-Վիսմա՚ի պելճիքացի սփրինթըր Վութ Վան Էրթ« արձանագրելով 47:59 վայրկեան արդիւնք: Երկրորդ դիրքը գրաւեց առաջատար ՙՃամպօ-Վիսմա՚ի դանիացի Եոնաս Վինկըկաարտ« 19 երկվայրկեան ուշ: Իսկ երրորդ դիրքը գրաւեց ՙԹիմ Էմիրէյց՚ի սլովէն Թատէյ Փոկացար« 27 երկվայրկեան ուշ: Այսպիսով առաջատար դանիացի Եոնաս Վինկըկաարտ անհասանելի դարձաւ զինք հալածողներուն համար եւ շահեցաւ տիտղոսը: Վերջին« 112 քիլոմեթր հեռաւորութեամբ մրցումը շահեցաւ ՙԱլփեսին-Տեսեիւնինք՚ի պելճիքացի Եասփէր Ֆիլիփսըն:

Ընդհանուր դասաւորումը 21 հանգրուան ետք.

1) Եոնաս Վինկըկաարտ-Դանիա« Ճամպօ-Վիսմա« 79:33:20 ժամ

2) Թատէյ Փոկացար-Սլովենիա« Թիմ Էմիրէյց«  2:43 վյրկ. ուշ

3) Ժերէնթ Թոմաս-Բրիտ.« ԻՆԷՈՍ Կրենատիըրզ« 7:22 վյրկ. ուշ

Խումբերու դասաւորում.

1) ԻՆԷՈՍ Կրենատիըրզ« 239:03:03 ժամ

2) Կրուփամա-ՖՏԺ«  37:33 վյրկ. ուշ

3) Ճամպօ-Վիսմա«  44:54 վյրկ. ուշ