Լիբանանի մէջ մոռացութեան ենթարկուած է նոր կառավարութեան կազմութեան թղթածրարը եւ պաշտօնական ու ժողովրդային լուսարձակները կեդրոնացած են Մուսա Հաժ արքեպիսկոպոսի թղթածրարին վրայ: Յիշեցնենք« որ Հաժ պաղեստինեան հողերէն վերադարձին« ժամեր շարունակ հարցաքննուեցաւ Նաքուրայի մէջ եւ առգրաւուեցան անոր փոխադրած դեղորայքն ու դրամական գումարը: Այս պատահարը սուր քննադատութեան արժանացաւ քաղաքական եւ կրօնական հեղինակութիւններէ: Հաժ արքեպիսկոպոսը մարոնի համադաշնակցութեան գործադիր խորհուրդի ժողովին ընթաքին յայտարարեց« թէ իր աշխատանքը որեւէ կապ չունի քաղաքականութեան կամ յատուկ ծրագիրներու հետ:
Ընդհանուր անվտանգութեան ծառայութեան ընդհանուր տնօրէն զօրավար Ապպաս Իպրահիմ երէկ յայտնեց« որ Հաժ արքեպիսկոպոսը որեւէ նուաստացումի չէ ենթարկուած: ՙԱնոր հետ կար 20 պայուսակ« որոնց մանրազննումը տեւեց 8 ժամ« սակայն անոր բեռը չվնասուեցաւ՚« ըսաւ զօրավար Իպրահիմի: Ան նաեւ հաւաստիացուց« որ իրենց աշխատանքը որեւէ կապ չունի քաղաքականութեան հետ:
