Երէկ ցուցարարներու խումբ մը փորձեց մտնել Պաղտատի մէջ գտնուող թրքական հիւպատոսարան բողոքելու համար օր մը առաջ թրքական ռմբակոծումին դէմ Տհոք շրջանին մէջ« որ պատճառած էր զոհեր եւ վիրաւորներ:
Իրաքի Արտաքին գործերու նախարարութիւնը խիստ ոճով դատապարտեց այս անընդունելի արարքը եւ Թուրքիոյ դեսպանին յանձնեց բողոքագիր: Նամակին մէջ կը պահանջուի թրքական ուժերը քաշել Իրաքէն: Նախարարութիւնը յայտարարեց« որ թրքական արարքը պատճառեց անմեղ զոհեր« որոնց մէջ երեխաներ եւ կիներ: Իրաք այս արարքը համարեց կոշտ խախտում երկրի գերիշխանութեան: Նամակին մէջ Իրաք իրեն վերապահեց քայլերու դիմել իր քաղաքացիները պաշտպանելու համար: Իրաք կոչ ուղղեց Թուրքիոյª իր ներքին հարցերը լուծել իր սահմաններէն ներս« Իրաքը հեռու պահելով իր ոտնձգութիւններէն: Երկիրը պահանջեց Թուրքիոյ կողմէ ներողութիւն խնդրել եւ վնասուց հատուցում: Իրաք Անգարայի մէջ իր ներկայացուցիչը տուն կանչեց որպէս բողոք:
Իր կողմէ« Թուրքիոյ արտաքին գործերու նախարար Մեւլութ Չաւուշօղլու յայտնեց« որ Թուրքիա յարձակում չէ գործած քաղաքացիներու վրայ Տհոք նահանգին մէջ: Ան աւելցուց« որ իրենք կը մերժեն իրենց ուղղուած ամբաստանութիւնները եւ հաստատեց« որ ահաբեկչական կազմակերպութիւններ, ինչպէս Քիւրտիստանի աշխատաւորական կուսակցութիւնը, տակաւին կը գործեն Իրաքի մէջ:
