Մարոնի եպիսկոպոսներու խորհուրդը գումարեց արտակարգ ժողով մը եւ խստօրէն դատապարտեց Երուսաղէմի մարոնի առաջնորդ Մուսա Հաժի հանդէպ առնուած քայլերը ընդհանուր Ապահովութեան ուժերուն կողմէ: Հարկ է նշել« որ առաջնորդը 12 ժամ մնացած էր Ընդհանուր Ապահովութեան ուժերու գրասենեակին մէջ« որոնք իր բերած դրամական օժանդակութիւնը առգրաւած էին ու հարցուփորձի ենթարկած էին առաջնորդը: Այս քայլը դատապարտումի ալիք բարձրացուցած էր համայնքի կրօնական եւ քաղաքական շրջանակներուն մէջ« որոնք խիստ ոճով դատապարտած էին այս քայլը:
Եպիսկոպոսներու խորհուրդը այս քալյը համարեց յիշեցում հին ժամանակի« երբ Արեւելքի քրիստոնեայ եկեղեցին հալածանքի կ’ենթարկուէր բռնագրաւող ուժերու կողմէ: Խորհուրդը առաջնորդին գործունէութիւնը համարեց օրինաւոր եւ համահունչ մարոնի եկեղեցւոյ եւ Վատիկանի ցուցմունքներուն:
