Անգլիոյ մարզադաշտերուն վրայ շարունակուեցան Եւրոպայի կիներու ֆութպոլի ախոյեանութեան մրցումները եւ տեղի ունեցան առաջին փուլի 3-րդ հանգրուանի վերջին մրցումները: Չորրորդ խմբակին մէջ« առաջատար Ֆրանսան կորսնցուց իր առաջին կէտը« երբ հաւասարեցաւ 2-րդ դիրքը գրաւող Իսլանտայի հետ: Այս Իսլանտայի երրորդ անընդմէջ հաւասարութիւնն էր: ՙՕլիմփիք Լիոնէ՚ի յարձակող Մելվին Մալար նշանակեց Ֆրանսայի կոլը առաջին վայրկեանին« Մաթէոյի փոխանցումով: Իսկ Իսլանտա հաւասարեցաւ 90+12-րդ վայրկեանին« ՙՈւեսթ Հէմ Եունայթըտ՚ի կիսապաշտպան Պրինիարստոթիրի տուգանային հարուածով: 3-րդ դիրքը գրաւող Պելճիքան օգտուեցաւ այս առիթէն եւ յաղթելով 4-րդ դիրքը գրաւող Իտալիոյ գրաւեց 2-րդ դիրքը ու անցաւ յաջորդ փուլ: Մրցումին միակ կոլը նշանակեց ՙՀոֆընհայմ՚ի յարձակող Տէ Քայնի 49-րդ վայրկեանին« Քիզի փոխանցումով: Ստորեւ տեսնել արձանագրուած արդիւնքները.
Դ. խմբակ. – Իտալիա – Պելճիքա 0-1
– Իսլանտա – Ֆրանսա 1-1
Դասաւորում. 1) Ֆրանսա 7 կէտ 8-3« 2) Պելճիքա 4 կէտ 3-3« 3) Իսլանտա 3 կէտ 3-3« 4) Իտալիա 1 կէտ 2-7
Ռմբարկուներ. 1) Պ. Միտ-Անգլիա 5 կոլ« 2) Կ. Կեյորօ-Ֆրանսա 3 կոլ« 3) Ա. Փոփ-Գերմանիա 3 կոլ:
Քառորդ աւարտական հանգրուանին պիտի մրցին հետեւեալ խումբերը.
Անգլիա – Սպանիա« Գերմանիա – Աւստրիա
Շուէտ – Պելճիքա« Ֆրանսա – Հոլանտա
